網紅的藏寶箱4月9日 阿哥低醣減肥Cycle 2 : Day 2
琴日咁啱同阿哥都放假，所以又瞓到安樂醒起身已經11點直接skip個早餐，煮個豐富啲嘅all day breakfast🥳真係放假先咁有心機🤣
我用氣炸鍋炸左幾個雞鎚，我食三個阿哥食兩個，你見到後面嗰碟大份量嘅就係我嘅😊我會記住呢個cycle減少份量俾阿哥，以免佢又成日覺得太飽🤣 不過其他蔬菜同埋水果我盡量都希望佢可以食多啲，同埋之前買咗一大桶嘅希臘乳酪都要快啲清咗佢，所以我就整咗啲椅椏子再加左啲羅漢果糖水，加埋炒滑蛋，成件事懶Pro咁🤣成日煮緊的時候會諗其實喺出面食成舊水嗰啲all day breakfast 某程度上成本好低, 不過主要都係鋪租同埋人工，當然都有心機錢，所以自己俾少少心思食得仲豐富😋
.
呢個第二階段我會多啲放手比阿哥多啲響出面食，所以琴晚佢自己行出面食蒸魚加菜走飯，不過佢唔記得影返相俾我，算數😛
Search